नेपाल पत्रकार महासंघ दाङ शाखाको २६ औं स्थापना दिवसका अवसरमा आज घोराहीमा प्रभातफेरी गरिएको छ ।
महासंघको भवनबाट शुरु भएको प्रभातफेरी बजार परिक्रमा गरी पुनः महासंघमा पुगेको थियो । प्रभातफेरिमा जिल्लाका पत्रकार र सहिद कृष्णसेन इच्छुक बहुप्राविधिक शिक्षालय, भिक्टोरिया कलेजसहित विभिन्न कलेजका विद्यार्थीको सहभागिता थियो ।
महासंघले स्थापना दिवसको अवसरमा भोलि बिशेष समारोह गर्ने भएको छ ।
समारोहलाई सम्वोधन गर्न महासंघका केन्द्रीय अध्यक्ष गोविन्द आचार्य, उपाध्यक्ष विपुल पोख्रेल, सचिव उदय जीएम, सदस्य वसन्त गिरी दाङ आइसकेको महासंघ दाङका अध्यक्ष सविन प्रियासनले जानकारी दिनुभयो ।
महासंघ दाङको स्थापना २०४९ मा भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
