बाराको अमलेखगन्जमा बस दुर्घटना हुँदा १४ जनको ज्यान गएको छ।
जिल्ला प्रहरीका अनुसार दुर्घटनापछि हटौंडा अस्पताल, मकवानपुर सहकारी अस्पताल र चुरेहिल अस्पताल पुर्याइएका १४ जनाको मृत्यु भएको हो।
मृत्यु हुनेमा ८ पुरुष र ६ महिला रहेको प्रहरीले जनाएको छ। मृतकको सनाखत भइरहेको छ।
बाराको अमलेखगन्जस्थित ३ नम्बर पुल नजिकै दसैँको दोस्रो दिन भएको दुर्घटनामा अधिकांश टीक ग्रहण गर्न हिंडेका यात्रु परेका छन्।
गम्भीर घाइते अवस्थामा रहेका १८ जनाको उपचार भइरहेको छ।
५१ जना बोकेर चितवनको नारायणगढबाट बाराको पथलैयातर्फ गइरहेको ०६–००१ ख ०११० नम्बरको बस ओरालो सडकमा दुर्घटनामा परेको हो। दुर्घटनास्थल जितपुरसिमरा उपमहानगरमा पर्छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
