रुकुम पश्चिम सानिभेरी गाउँपालिका भित्रका ४५ वटा विद्यालयको वार्षिक परीक्षा प्रभावित भएको छ । विप्लव नेतृत्वको नेकपाको भातृ संगठन अखिल (क्रान्तिकारी) ले गरेको शैक्षिक हडतालका कारण परीक्षा प्रभावित भएको हो ।
गत चैत्र १ गते बाट संचालन गरिएको गाउँपालिका स्तरीय कक्षा १ देखी ९ सम्मको बार्षिक परीक्षा दिन विद्यालय पुगेका झन्डै ८ हजार विद्यार्थी घर फर्किएका छन् ।
हड्तालका कारण स्थगित गरिएको परीक्षालाई अन्तिम दिन चैत्र १२ गते गराउने सानीभेरी गाउँपालिकाको परीक्षा समितिले बताएको छ ।
अखिल (क्रान्तिकारी)मा आबद्ध विद्यार्थी नेताहरुलाई सरकारले गिरफ्तार गरेको विरोधमा देशैभर शैक्षिक संस्था हडताल गरेको जनाइएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
