दाङको तुलसीपुर उपमहानगरपालिका १२ हरिपौरीबाट फेला परेको विरामी गिद्धको उद्दार गरी उपचार शुरु गरिएको छ ।
तुलसिपुर १२ स्थित माबि हरिपौराको परिसरमा विरामी गिद्ध फेला परेको शिक्षक चुर्णबहादुर रावतले जानकारी गराएपछि पर्याबरणीय दिगो विकास एवं अनुसन्धान केन्द्रले उद्दार गरेको हो ।
केन्द्रका अध्यक्ष डिल्लीबहादुर रावत तथा कर्मचारीहरु दिपेन्द्र लामिछाने र क्षितिज रावत घटनास्थल पुगेर गिद्धको उद्दार गर्नुभएको थियो ।
प्राथमिक उपचारपछि विरामी गिद्धलाई घोराही १९ स्यालापानीस्थित गिद्ध रेष्टरेन्टमा राखिएको छ ।
विरामी तथा घाइते गिद्धहरुको उपचारका लागि रेष्टुरेन्टमा उपचार कक्ष राखिएको छ । केही दिन त्यसमै राखेर उपचार गरिने अध्यक्ष रावतले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
