जगत खनाल / राप्ती गाउँपालिकाका अध्यक्ष प्रकाश बिष्टले सबै युवा मिलेर राप्ती गाउँपालिकालाई देशकै नमूना गाउँपालिका बनाउनुपर्ने बताउनु भएको छ ।
अन्तर्राष्ट्रिय युवा दिवसको अबसरमा आयोजित बृक्षारोपण कार्यक्रमको समापन गर्दै अध्यक्ष बिष्टले सो कुरा बताउनु भएको हो ।
” युवा भनेको वायु हो युवाशक्तिले चाहेमा जस्तो सुकै परिवर्तन गर्न सकिन्छ राप्ती गाउँपालिकाका सवै युवाहरूलाई समाबेश गरि नमुना गाउँपालिका वनाउनु पर्छ ” अध्यक्ष बिष्टको भनाइ रहेको थियो ।
सबै युवाहरूलाई गलत कार्य गर्नबाट रोकि नमुना काम गर्न उत्पेरित गर्ने पनि बताउनु भएको थियो ।
उक्त समापन कार्यक्रममा वडा नम्बर ४ का अध्यक्ष वीर बहादुर चौधरी , वडा नम्बर ५ का वडा अध्यक्ष देब प्रसाद चौधरी , वडा नम्बर ८ का वडा अध्यक्ष चन्द्र बहादुर गुरुङ , माबी मौरिघाटका बिद्यालय व्यवस्थापन समितीका अध्यक्ष हुकुम बहादुर बस्नेत लगायत ले आफ्नो बिचार राख्नु भएको थियो ।
कार्यक्रमको संचालन शिक्षा , युवा तथा खेलकुद शाखा प्रमुख बिश्वास बिकले गर्नु भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
