खुमबहादुर सुनार
लिवाङ, २३ साउन । रोल्पामा सुमो गाडी दुर्घना हुँदा ६ जना घाइते भएका छन् । बुटवलबाट लिबाङतर्फ आउदै गरेको भे १ ज १७७१ नं.को सुमोगाडी आज बिहान करिब ४ बजे रोल्पा नगरपालिका वडा नम्बर १ को भदौरे मन्दिरको नजिकै ओरालो बाटोमा अनियन्त्रित भइ दुर्घटना हुँदा उक्त गाडीमा सवार ६ जना घाइते भएका हुन् ।
उक्त दुर्घटनामा परीे घाइते हुनेहरु मध्ये रोल्पा नगरपालिका- ९ ह्वामा निबासी २६ वर्षीय दिबिसा बुढा र सोही ३१ वर्षीय कमल प्रसाद बुढामगर, रोल्पा नगरपालिका- ७ माडीचौर निबासी २८ वर्षीय भिमली घर्तीमगर र गंगादेव गाउँपालिका- ७ बडाचौर निबासी २४ वर्षीय नरेन पुनको जिल्ला अस्पताल रेउघामा सामान्य उपचार पश्चात डिचार्ज भएका छन् भने रोल्पा नगरपालिका -३ खुमेल निबासी संगीता परियार र सोही निबासी ३४ वर्षीय पर्शुराम परियारलाई जिल्ला अस्पाताल रेउघामा सामान्य उपचार पश्चात थप उपचारको लागि लुम्बिनी प्रादेशिक अस्पताल बुटल रिफर गरिएको जिल्ला प्रहरी कार्यालय रोल्पाले जनाएको छ ।
उक्त सुमोमा चालकसहित ७ जना सवार रहेका थिए भने गाडी सडकदेखि करिब १० मिटर तल खसेको थियो ।
गाडी चालक दाङका घोराही उपमहानगरपालिका ४ गोग्ली निबासी २५ वर्षीय अर्जुन बिकलाई प्रहरीको नियन्त्रणमा राखिएको छ ।
![](https://sisneonline.com/wp-content/uploads/2021/08/sisne-author.jpg)
![](https://sisneonline.com/wp-content/uploads/2021/08/sisne-author.jpg)
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।