आफ्नै विद्यार्थीलाई जवर जस्तिकरणि गरेको आरोपमा जिल्ला प्रहरी कार्यालय रुकुम (पश्चिम)ले एक जना शिक्षकलाई पक्राउ गरेको छ ।
जिल्लाको सानीभेरी गाउँपालिकामा रहेको राप्तीज्ञानोदय माविमा कार्यरत शिक्षक २३ वर्षीय प्रकाश खड्कालाई पक्राउ गरिएको प्रहरीले जानकारी दिएको छ ।
उक्त विद्यालयमा पशु प्राविधिक विषय अध्यान गर्दै गरेकी १६ वर्षीया बालिकालाई बलात्कार गरेको आरोपमा पक्राउ गरिएको जिल्ला प्रहरी कार्यालय रुकुम (पश्चिम)का प्रहरी निरीक्षक प्रमोदकुमार क्षेत्रीले जानकारी दिनुभयो ।
सोहि विद्यालयमा पशु प्राविधिक पढाउँदै आएको खड्काले बालिकालाई बलात्कार गरेको भन्दै पिडितले उजुरी दिएपछि पक्राउ गरिएको बताइएको छ ।
गत मंगलबार गाउँमा भैंसी बिरामी भएको र त्यसको उपचार गर्न भन्दै बालिकालाई मोटरसाइकलमा राखेर गएका शिक्षक खडकाले एकान्त जंगलमा जबरजस्ति करणी गरेको प्रहरी बताएको छ ।
पक्राउ परेका शिक्षकलाई प्रहरी हिरासतमा राखेर घटनाको बारेमा थप अनुसन्धान भइरहेको प्रहरी निरीक्षक क्षेत्रीले बताउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
