जगत खनाल
भालुबाङ, १४ जेठ । राप्ती गाउँपालिकाका अध्यक्ष प्रकाश बिष्टले सहकारीको विकास हुनु भनेकै हाम्रो समाज र राष्ट्रको विकास हुने बताउनु भएको छ ।
राप्ती गाउँपालिका वडा नम्बर १ भालुबाङमा रहेको शिव शिखर बहुउद्देश्यीय सहकारी संस्था लिमिटेडको २८औं शाखा तथा १९औं गार्डेन मार्ट डिपार्टमेन्ट स्टोरको आज शनिबार उद्घाटन गर्दै उहाँले उक्तकुरा बताउनु भएको हो ।
भक्तपुरको कौसलटारमा मुख्य कार्यालय रहेको उक्त संस्थाले राप्ती गाउँलिका वडा नम्बर १ भालुबाङबाट यस क्षेत्रमा सेवा दिने उद्देश्यले आफ्नो शाखा बिस्तार गरेको छ । अन्तर्राष्ट्रिय मापदण्ड अनुसार खोलेको उक्त स्टोरमा सबै उपभोग्य सामान सुफत मुल्यमा उपलब्ध गराउने उक्त संस्थाले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
