दाङ,३ बैशाख । दाङ जिल्ला उद्योग वाणिज्य संघले आफनो ५२ औं स्थापना दिवसको अवसरमा व्यवसायीहरु विच मैत्री पुर्ण प्रतियोगीता सुरु गरेको छ । संघले शनिबार एक कार्यक्रमको आयोजना गरि प्रतियोगीताको उद्घाटन गरेको हो ।
कार्यक्रम दाङ जिल्ला उद्योग वाणिज्य संघका अध्यक्ष टंकसिंह वुढाथोकीको अध्यक्षता तथा संघका पुर्व अध्यक्ष एवम मानार्थ सदस्य रामदयाल गुप्ताको प्रमुख आतिथ्यतामा भएको थियो । कार्यक्रमको सहजिकरण संघका सचिव नरेशकुमार श्रेष्ठले गरेका थिए ।
शनिवार साझ भएको फुटवल प्रतियोगितामा किराना तथा गल्ला समिति र फेन्सि व्यवसायी विच भएको प्रतियोगीतामा फेन्सी व्यवसायी विजयी भएको हो । १ का विरुद्ध २ गोलले फेन्सि विजयी भएको फुटवल प्रतियोगीता उप समितीका सदस्य मधब खनालले जानकारी दिए ।
प्रतियोगीतामा ६ वटा समुहको सहभागिता रहेको छ ।
यसैगरेर कुर्ची दौड प्रतियोगीतामा मुक्तिराम खनाल प्रथम, थानेस्वर बुढा द्धितीय र मिलन लामा तृतीय भएको दौड प्रतियोगीता उप समितीका संयोजक देबकला बस्नेतले जानकारी दिए ।
व्यवसायीहरुलाई खेलको माध्यम बाट मनोरञ्जन, भेटघाट गराउने तथा आपसमा चिन जान गराउने उदेश्यले मैत्रिपुर्ण प्रतियोगीता आयोजना गरिएको संघका महासचिव महेन्द्र वुढाथोकीले जानकारी दिए ।
संघको स्थापना दिवसको अवसरमा फुटवल प्रतियोगीता, दौड, कुसी दौड तथा हाजिरी जवाफ प्रतियोगीता आयोजना गरिएको प्रतियोगीता समितीका संयोजक रामप्रसाद पोख्रेलले जानकारी दिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
