दाङ, १८ चैत । दाङको बंगलाचुली गाउँपालिकामा जारी दोस्रो अध्यक्ष कप क्रिकेट प्रतियोगितामा रोलय तपाली क्रिकेट क्लब फाइनल खेलमा प्रवेश गरेको छ ।
आज शुक्रबार बिहान भएको पहिलो सेमिफाइनल खेलमा बंगलाचुली स्पोर्ट क्लब र रोलय तापाली क्बलबीच भएको थियो । सो खेलमा रोयल क्बलले बंगलाचुली स्पोर्ट क्बललाई ७२ रनले पराजित गर्दै फाइनलमा प्रवेश गरेको हो ।
टस जितेर ब्याटिङ गरेको रोयल तापाली क्रिकेट क्लबले बंगलाचुली स्पोर्ट क्लबलाई १२० रनको लक्ष्य दिएको थियो ।
सो लक्ष्य पछ्याउँदै बंगलाचुली स्पोर्ट क्बलले पुरै ओभर खेल्दै ४८ रन मात्र बनाउन सफल हुँदा हार ब्यहोर्नु परेको बंगलाचुली क्रिकेट विकास समन्वय समितिका अध्यक्ष हिमाल महराले जानकारी दिए ।
अहिले समिफाइनलको दोस्रो खेलमा सप्तरंगी क्रिकेट क्लब र श्रबारी क्रिकेट क्लबबीच खेल भइरहेको छ ।
सेमिफाइनलको खेल सकिएपछि आजै शुक्रबार नै फाइनल खेल शुरु हुने अध्यक्ष महराले बताए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
