अर्थमन्त्री जनार्दन शर्मा ‘प्रभाकर’ले संसदमा एमसीसी पेश गर्न अस्वीकार गर्नुभएको छ ।
झण्डै चार बर्षदेखि संसदमा पेश हुन नसकेको एमसीसी आज पेश हुँदैछ । शुरुमा अर्थमन्त्रीले नै हस्ताक्षर गरेको सम्झौता भएकाले संसदमा अर्थमन्त्रीले पेश गर्ने कार्यक्रम भए पनि अर्थमन्त्री शर्माले पार्टीको नीतिविपरीत संसद पेश नगर्ने हुनुभएको छ ।
प्रधानमन्त्रीले अर्थमन्त्रीलाई नै सम्झौता पेश गर्न भने पनि उाहँले नमानेपछि अब सञ्चारमन्त्रीले पेश गर्ने कार्यक्रम बनेको छ । प्रधानमन्त्री शेरबहादुर देउवाले अर्थमन्त्री शर्मालाई फोन गरेर एमसीसी पेश गर्न आग्रह गर्नुभएको थियो । ‘तत्कालीन अर्थमन्त्रीले गरेको सम्झौता हो, त्यसैको निरन्तरताका लागि वर्तमान अर्थमन्त्रीका रूपमा तपाईंले टेबल गर्नुस्’ बालुवाटार स्रोतका अनुसार प्रधानमन्त्रीको भनाइ थियो ।
तर शर्माले भने पार्टीले फरक मत राखेकाले पेश गर्न नसक्ने बताउनुभएको थियो । शर्माले अस्वीकार गरेपछि प्रधानमन्त्रीले सञ्चारमन्त्री ज्ञानेन्द्रबहादुर कार्कीलाई टेबल गर्ने जिम्मेवारी दिनुभएको छ । अर्थमन्त्री रहेकै बेला २०७४ मा कार्कीले सम्झौतामा हस्ताक्षर गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
