रोल्पाको सिँचाई विकासका लागि चालु आर्थिक वर्षमा १६ करोड बजेट परिचालन गरिने भएको छ । संघीय र प्रदेश सरकारको उक्त बजेट जिल्लाको साना तथा मझौला सिँचाई आयोजनामा खर्च गरिने जलस्रोत तथा सिँचाई विकास डिभिजन कार्यालय रोल्पाले जनाएको छ ।
यस वर्ष ६ नयाँ र ५ वटा पूराना सिँचाई आयोजनाको काम गरिने सिँचाई डिभिजन कार्यालय रोल्पाका प्रमुख भेषराज भुसालले जानकारी दिनुभएको छ । यस्तै सोही बजेटबाट २ वटा जल उत्पन्न प्रकोप न्यूनिकरणको काम पनि गरिने भएको छ ।
कार्यालयमा धेरै जसो सडक निर्माणका क्रममा सिँचाई योजनामा क्षति पुगेको भन्दै मर्मतका लागि माग आउने गरेको भुसालले जानकारी दिनुभयो ।
हाल ७ हजार हेक्टर क्षेत्रफलमा सँचाई सुविधा पुगेको रोल्पामा चालु आर्थिक वर्षको अन्त्यसम्ममा थप १ सय ५० हेक्टर क्षेत्रफलमा सिँचाई सुविधा पुग्ने लक्ष्य कार्यालयले लिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
