दाङको घोराही कारागारमा कर्तब्य ज्यान मुद्दामा कैद सजाय भुक्तान गरिरहेको बेला भागेर फरार भएका कैदी यमराज परिवार नेपाल–भारतको सिमा क्षेत्र जमुनाह नाकाबाट प्रक्राउ परेका छन् ।
कैदी फरार प्रकरणको प्रहरी कार्यालयबाट गठित छानबिन तथा खोजतलास समितिका संयोजक र ओरियन्टेशन यान्की कमाण्डर जिल्ला प्रहरी कार्यालय दाङका प्रहरी नायब उपरीक्षक मुकुन्दप्रसाद रिजालको कमाण्डमा खटिएको प्रहरी टोलीले परियारलाइ पक्राउ गरेको हो ।
भारतीय समकक्षीहरुका समन्वयमा परियारलाई पक्राउ गरिएको प्रनाउ रिजालले जानकारी दिनुभयो । जिल्ला प्रहरी कार्यालय दाङले पत्रकार सम्मेलन गरी कैदी परियारलाई सार्वजनिक गरिएको छ । नेपालगञ्ज उपमहानगरपालिका १५ स्थित जमुनाह नाकाबाट पक्राउ गरिएको प्रहरीले जनाएको छ ।
उपचारका लागि भन्दै अस्पताल लगिएका परियार गत पुस ८ गते साथमा गएका प्रहरी जवानको मोटरसाईकल लिएर भागेका थिए ।
२० वर्ष कैद सजाय तोकिएका परियारले अहिलेसम्म साढे सात वर्ष कैद सजाय भुक्तान गरिसकेका थिए ।
रेउले सिस्ने अनलाइनका प्रबन्ध सम्पादक हुनुहुन्छ ।
