- दाङ, २५ पुस । नेकपा एमाले दाङका जिल्ला कमिटि सदस्य तथा तुलसीपुर उपमहानगरपालिकाका कार्यपालिका सदस्य जानका रेग्मी एकीकृत समाजवादीमा प्रवेश गरेकी छिन् ।
आज तुलसीपुरमा पार्टी निकट युवा संघको भेलाका अवसरमा रेग्मीसहित तुलसीपुरकै कार्यपालिका सदस्य डिला परियार, एमालेका पूर्व जिल्ला कमिटि सदस्य प्रेमबहादुर बस्नेत, बसन्ता गोरा थोकीलगायत एमालेबाट नेता तथा कार्यकर्ताहरुले एकीकृत समाजवादीमा प्रवेश गरेका हुन् ।
त्यस्तै दुर्गा वली , शान्ता वली, लक्ष्मी वली, विष्णु वली, ओमबहादुर कडेल, मोहन बस्नेत बसन्ता रैदासलगायतले एकीकृत समाजवादी पार्टीमा प्रवेश गरेका हुन् । नब प्रवेशीहरुलाई पार्टीका केन्द्रीय सचिब भागवत विस्वासीले स्वागत गरेका हुन् ।
यस अघि कार्यपालिका सदस्य दीपक कुमाल,चित्रा मल्ल तथा तुलसीपुर उपमहानगरपालिका वडा नं. १६ का अध्यक्ष एकीकृत समाजवादीलाई नै रोजेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
