दाङमा २४ औं जनयुद्ध दिवसको अवसरमा विविध कार्यक्रम भएका छन् ।
नेपाल कम्युनिष्ट पार्टी (नेकपा) दाङले घोराहीमा अन्तक्र्रिया गरेको छ ।
नेकपा दाङका कार्यदल सदस्य टीकाराम खड्काको अध्यक्षता एवं प्रदेश सचिव जगप्रसाद शर्माको प्रमुख आतिथ्यमा कार्यक्रम भएको थियो ।
त्यस्तै सोही पार्टीनिकट अनेमसंघ क्रान्तिकारीले घोराहीमा जुलुस प्रदर्शन गरेको छ । जुलुसको अगुवाइ नेपालकै पहिलो महिला छापामार एवं नेकपाका केन्द्रीय सदस्य नारायणी शर्मालगायतले गर्नुभएको थियो ।
नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टी दाङले पनि आफ्नो २४ औं महान जनयुद्ध दिवसको अवसरमा विभिन्न कार्यक्रमहरु गरेर मनाई रहेको छ ।
त्यसै क्रममा नेपाल कम्युनिष्ट पार्टी घोराही नगर समिति दाङले पनि आफ्नो २४ औं महान जनयुद्ध दिवसको अवसरमा रक्तदान कार्यक्रम गरेको छ । घोराही नगर समिति दाङले जनयुद्ध दिवसको अवसरमा आयोजना गरेको रक्तदान कार्यक्रममा नेपाल रेडक्रस सोसाईटी दाङ शाखामा १८ जनाले रक्तदान गरेका छन् ।
तस्विरः कुलदीप न्यौपाने
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
