सेभ प्लानेट बाई अडाप्टिङ क्लिन इन्भाइरोमेन्ट (स्पेस) नामक समूहले आफ्नो गठन भएको पहिलो दिन सोमबार घोराहीमा सरसफाई कार्यक्रम सम्पन्न गरेको छ ।
वातावरणमैत्री विकासलाई जोड दिँदै प्रकृतिलाई भावी पुस्ताका लागि बचाई राख्न यस्तो समूहको आवश्यकता रहेको बताउँदै समूहका संयोजक हरिप्रसाद पौडेलले भन्नुभयो, ‘नयाँ पुस्तालाई पर्यावरणको वर्तमान अवस्था र अबको दायित्व बुझाउन यस्ता कार्यक्रमले सहयोग पुग्दछ ।’ दाङमा क्रियाशील ५३ जना युवा विद्यार्थीहरू स्पेस नामक समूह गठन गरी वातावरणका क्षेत्रमा कार्य गर्ने जमर्को गरेका हुन् ।
आफ्नो स्थापनाको दिन मै यस संस्थाले घोराहीस्थित माउन्ट भ्यू विद्यालयसँगको सहकार्यमा मा वि रझेना देखि निमाहल सडकसम्मको बाटोमा सरसफाई कार्यक्रम सञ्चालन गरेको थियो । उक्त कार्यक्रम समापनको अवसरमा बोल्नुहुँदै माउन्ट भ्यू विद्यालयका संयोजक धनिराम न्यौपानेले भन्नुभयो, ‘युवा विद्यार्थीको सक्रिय सहभागिताले समुदायलाई राम्रो सन्देश दिएको छ ।’
संस्थाका सदस्य सविना आचार्यले भन्नुभयो, ‘यो कार्यक्रम प्रतीकात्मक मात्र हो । हामीले सरसफाइ र वातावरण संरक्षण कार्यलाई हाम्रो जीवनको हरेक क्षेत्रमा अपनाउनु पर्छ ।’
सरसफाई कार्यक्रमको लागि आवस्यक सामग्रीहरू माउन्ट भ्यू विद्यालयका अध्यक्ष रमेश लम्सालले हस्तान्तरण गर्नुभएको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
