रौतहट । रौतहटमा स्कारपियो दुर्घटना दुँदा ६ जनाको मृत्यु भएको छ । मंगलबार अपरान्ह ४ बजे जन्ती बोकेको स्कोरपियो जीप दुर्घटना हुँदा छ जनाको निधन भएको छ।
दुर्घटनामा परेर १६ वर्षीय शेख नैसाद, २२ वर्षीय शेख सैनुल्लाह, ५५ वर्षीय डा.मेसाफिर अन्सारी, २५ वर्षीय शेख छोटु, १५ वर्षीय शेख अजिबुल्लाह, शेख अबुलेसको निधन भएको प्रहरीले जनाएको छ ।
रौतहटको जिल्लाको गढीमाई नगरालिका–३ गम्हरिया टोलबाट परोहा नगरपालिकाको नरकटीया टोलमा जन्ती गएर फर्कने क्रममा भारतीय नम्बर बीआर ०५ पीए ६९५३ नम्बरको रातो स्कोरपियो गौर चन्द्रनिगाहपुर सडकखण्डको गरुडा नगरपालिकाको जयनगरमा दुर्घटना भएको थियो ।
त्यसैगरी सोही दुर्घटनामा परेर १५ वर्षीय शेख अमानत, १६ वर्षीय शेख अलफाज, १७ वर्षीय शेख करिमुल्लाह गम्भीर घायते भएका छन् । घाइतेहरुको टाउको, शरीरका विभिन्न भागमा चोट लागेको र अवस्था गम्भीर रहेको प्रहरीको भनाइ छ ।
दुर्घटनाबाट घाइते भएकाहरुको गरुडास्थित ग्रान्डी अस्पताल, हेल्थल्याण्ड अस्पतालमा र वीरगञ्जमा उपचार भइरहेको छ ।
स्कारपियोमा ९ जना सवार रहेकोे र तीब्र गतीका कारण दुर्घटना भएको हुनसक्ने अनुमान गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
