घोराही, ७ पुस । रोल्पाको होलेरीमा एक दिने आँखा शिविर सम्पन्न भएको छ । तिलागंगा आँखा प्रतिष्ठान काठमाण्डौं, जिल्ला सामुदायिक आँखा केन्द्र लिबाङ र नेपाल रेडक्रस सोसाइटी रोल्पा शाखाको आयोजनामा सो शिविर मंगलबार होलेरी स्वास्थ्य चौकीमा सम्पन्न भएको हो ।
जिल्ला सामुदायिक आँखा केन्द्र लिवाङ रोल्पाले मोतिबिन्दुको निःशुल्क अपरेशन शिविरलाई मध्यनजर गर्दै होलेरीमा संचालन गरिएको एक दिने आँखा शिविरमा आँखा सम्बन्धी समस्या भएका १ सय ४१ जनाको सहभागिता रहेको थियो । सहभागी मध्ये आँखामा समस्या देखिएका २३ जनालाई अप्रेसनका लागि लिबाङ रिफर गरिएको नेपाल रेडक्रस सोसाइटी होलेरी उपशाखाका सभापति लक्षिराम थापाले जानकारी दिए ।
मोतिविन्दुको निःशुल्क अपरेशन यही पुस १२ गतेदेखि १४ गतेसम्म लिबाङमा हुने भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
