दाङमा आज भएको सवारी र्दुघटनामा एक जना महिलाको मृत्यु भएको छ ।
मृत्यु हुनेमा रुकुम मुसिकोट २ निबासी बर्ष ३६ बर्षीया रमिता शर्मा रहेको वडाप्रहरी कार्यालय लमहीका प्रमुख अरुणकुमार सिहले जानकारी दिनुभएको छ ।
घटनामा परि प्रदेश नम्बर पाँचका प्रदेश सांसद उत्तरकुमार ओलीसहित १४ जना घाइते भएका छन् ।
अन्यको अवस्था सामान्य रहे पनि सांसद ओलीको अवस्था भने गम्भीर रहेको छ । उहाँलाई लमहीको फ्लोरेन्स अस्पतालमा प्रारम्भिक उपचार गरी थप उपचारका लागि कोहलपुर पठाइएको छ ।
अन्य १३ जनाको लमही अस्पताल र फ्लोरेन्स अस्पतालमा उपचार भइरहेको छ ।
दाङको तुलसीपपुरबाट बीरगञ्जतर्फ जादै गइरहेको ना ५ ख ५५ २९ नम्बरको बस र लमहीबाट घोराहीतर्फ आउँदै गरेको बा १८ च ६८३६ नम्बरको जीप घोराही उपमहानगरपालिका वडा नम्बर ३ मुसोटको चिसापानीनजिक बेलुकी पौेने पाच बजे एक आपसमा ठोक्किदा दुर्घटना भएको हो । सांसद ओली चढेको कार उहाँले आफै चलाउनुभएको थियो ।
तस्विर स्रोतः दशरथ घिमिरेको फेसबुक
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
