नेकपा माओवादी केन्द्रका केन्द्रीय सदस्य निर्मल आचार्यले अब समृद्धिको नेतृत्व माओवादी केन्द्रले लिने बताउनुभएको छ ।
पार्टीको गढवा गाउँपालिकाको बैठकलाई सम्बोधन गर्दै उहाँले यस्तो बताउनुभएको हो । परिवर्तनको संवाहक शक्ति भएकाले समृद्धिको नेतृत्व पनि माओवादीले नै गर्ने उहाँले बताउनुभयो ।
गढवा गाउपालिकामा पार्टिको काम सन्तोषजनक रुपमा अगाडि बढिरहेको भन्दै उहाँले सम्पूर्ण पार्टी सदस्यहरुलाइ सेल कमिटिमा सगठित गर्नुपर्ने बताउनुभयो ।
गाउँपालिका अध्यक्ष यमनारायण पोख्रेलको अध्यक्षता, आचार्यको प्रमुख आतिथ्यमा भएको बैठकमा प्रदेश सचिवालय सदस्य लुमाकान्त न्यौपाने, प्रदेश सचिवालय सदस्य भक्तु चौधरी, जिल्ला समन्वय समिति सदस्य हरिप्रसाद यादवलगायतले बोल्नुभएको थियो ।
बैठकमा पालिकाबाट दुई हजार पार्टी सदस्य बनेको जानकारी दिइएको छ । जसमा पुराना एक हजार चार सयले नवीकरण गरेका छन् भने छ सय नयाँ सदस्य थपिएका छन् ।
बैठकले कार्तिक २७ गते टोल सम्मेलन गर्ने, मंसिर ४ गते वडा सम्म्मेलन
र मसिर ११ गते पालिका सम्मेलन प्रभावकारी बनाउने निर्णय गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
