चट्याङ पर्दा सल्यानमा दुई जना सामान्य घाइते भएका छन् ।
जिल्लाको बनगाड कुपिण्डे नगरपालिका –५ लाँखरमा हिरालाल रानाको घरमा आइतवार दिउँसो चट्याङ पर्दा दुई जना घाइते भएका हुन ।
घाइते हुनेमा ५६ वर्षीय खिम बहादुर राना र उनको छोरा १२ वर्षीय प्रकाश राना रहेको वडा सदस्य कुलबहादुर खत्रीले जानकारी दिए । खिम बहादुरको आँखा, कान र प्रकाशको टाउँकोमा सामान्य चोट लागेको उनको भनाई छ ।
यस्तै चट्याङले हिरालाल रानाका दुई वटा खसी र एक बाख्रा मरेका छन् । हिरालाल रानाको दुई तले घरमा दिउँसो चट्याङ परेको हो ।
Facebook Comments
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
