रुकुम पश्चिम चाैरजहारी नगरपालिकाले लैङ्गिक हिंसा बिरुद्धकाे १६ दिने अभियानमा सडक नाटक प्रस्तुत गरेको छ । चाैरजहारी नगरपालिकाले अन्तर्राष्ट्रिय लैंगिक हिंसा बिरुद्धकाे १६ अभियानमा जन चेतनामूलक सडक नाटक प्रस्तुत गरेको हाे । वडा न. १४ बाट सुरु भएको सडक नाटक अभियानको अन्तिम दिन वडा न. २ काे शितल माबिमा प्रस्तुत गरेपछि समापन भएको छ ।
नगरपालिकाका सबै वडामा अनिवार्य र कतिपय वडाकाे दुई ठाउँमा पनि सडक नाटक प्रस्तुत गरेको कलाकार एल बि कटुवालले जानकारी दिए । उनका अनुसार बाल विवाह , मदिरा सेवन र घरेलु महिला हिंसा सम्बन्धि नाटक प्रस्तुत गरिएको हाे । नगर उप प्रमुख राधा राेकाका अनुसार गाउँमा अझै पनि चेतनाकाे अभाव भएकोले जनचेतनामूलक सडक नाटक प्रस्तुत गरिएको हाे । उनले भनिन् अहिले जटिल समस्या भनेको हाम्रो चाैरजहारी नगरपालिकामा बाल विवाह , मदिरा सेवनबाट हुने महिला हिंसा र घरेलु हिंसा भएकोले यसैलाई मध्यनजर सडक नाटक प्रस्तुत गरिएको हाे ।
चाैरजहारी नगरपालिकाकाे न्यायिक समितिमा पनि बालविवाह , मदिरा सेवनबाट हुने हिंसा र घरेलु महिला हिंसा सम्बन्धिका घटनाहरु बढी अाउने गरेका छन ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
