लामो प्रयासपछि रुकुमपूर्वका गोलखाडा पक्षधरको बिरोधसभा गोलखाडामै हुने भएको छ । सरकारले रुकुमपूर्वको सदरमुकाम कोलको गोलखाडामा तोकेपछि एक बर्षदेखि विवाद हुँदै आएको छ ।
रुकुमकोटमा सदरमुकाम हुनुपर्छ भन्दै त्यस क्षेत्रका बासिन्दाले हड्तालसहितको आन्दोलन गर्दै आएका छन् भने गोलखाडा सदरमुकामको निर्णय लागु गराउन माग गर्दै भोलि रुकुमकोटमा प्रदर्शन गर्ने तयारी भएपछि झडपको संभावना बढेको थियो ।
अब गोलखाडा पक्षधहरुले गोलखाडामै बिरोधसभा गर्ने निर्णय गरेपछि स्थिति शान्तिपूर्णरुपमा अघि बढ्ने देखिएको छ ।
लामो प्रयासपछि गोलखाडा पक्षधरले गोलखाडामै बिरोध गर्ने सहमति जनाएको प्रदेशसभा सदस्य तेजबहादुर ओली ‘प्रतीक’ले जानकारी दिनुभयो ।
बिरोध प्रदर्शन आ–आफ्नै ठाउँमा गर्ने र निकासका लागि सहमतिको संभावना देखिए संयुक्त छलफल गर्ने गरी समझदारी बनेको उहाँले बताउनुभयो ।
तस्विरः मेगराज खड्का
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
