राप्ती प्रादेशिक अस्पताल तुलसीपुरका मेडिकल सुपरिटेन्डेन्ट डा. विनोद सिंहमाथि भएको आक्रमणको बिरोधमा स्वास्थ्यकर्मीहरु काम छाडेर आन्दोलनमा उत्रेका छन् ।
दोषीलाई पक्राउ गरी कारवाही गर्न २४ घण्टे अल्टिमेटम दिएका उनीहरुले दोषी पक्राउ नपरेको भन्दै आन्दोलन शुरु गरेका हुन् ।
आज तुलसीपुरमा बिरोधमा र्याली गरिएको छ । राप्ती प्रादेशिक अस्पताल तुलसीपुरबाट शुरु भएको र्यालीले बजार परिक्रमा गरेको थियो । अस्पताल परिवार, एएनएम दाङ र सम्पूर्ण निजी स्वास्थ्य संस्थाको तर्फबाट प्रदर्शन गरिएको थियो ।
आक्रमणको बिरोधमा आज भदौ १३ गतेदेखि दाङका सम्पूर्ण स्वास्थ्य संस्थामा इमरजेन्सीबाहेकका स्वास्थ्य सेवा बन्द गरिने यसअघि नै चिकित्सक संघले जानकारी गराएको थियो ।
भदौ ११ गते नेकपा एमालेसम्बद्ध विद्यार्थीका नेताहरुले डा. सिंहमाथि कालोमोसो दलेका छन् । डा. सिंहमाथि एमालेनिकट अखिलका जिल्ला संयोजक सर्जन परियारलगायतले कालोमोसो दलेको अस्पताल ब्यवस्थापन समितिले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
