नेकपा एमालेबाट बिभाजित भएर बनेको नेकपा एकीकृत समाजवादीले दाङ क्षेत्र नम्बर १ मा क्षेत्रीय भेला गरेको छ ।
क्षेत्रीय संयोजक मीना गुरुङको अध्यक्षतामा भएको भेलालाई सम्बोधन गर्दै केन्द्रीय सदस्य भागवत विश्वासीले एमाले अध्यक्ष केपी शर्मा ओलीले कम्युनिष्ट आन्दोलनलाई नै ध्वस्त गर्ने गरी गतिबिधि अघि बढाएपछि आफूहरुले बिद्रोह गरेको बताउनुभयो ।
वृहत बाम एकता र समाजवादको बाटोमा अघि बढ्न उहाँले सबैलाई आव्हान पनि गर्नुभयो ।
कार्यक्रममा अर्का केन्द्रीय सदस्य अनारकलि मियाँ, नेताहरु लक्ष्मण आचार्य, सुरामणि बेल्बासे, बिरबहादुर केसीलगायतले सम्वोधन गर्नुभएको थियो ।
पवन रिजालको सञ्चालनमा सम्पन्न भएको कार्यक्रममा स्वागत भुमान्डप केसीले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
