दाङको घोराही उपमहानगरपालिका १८ नवलपुर र घोराही बजारलाई जोड्ने कटुवाखोला पुलनजिकको सडक खाल्डैखाल्डामा परिणत भएको लामो समय बितिसक्दा पनि सरोकारवालाको ध्यान जान सकेको छैन ।
केही समयअघिसम्म सडक राम्रो भए पनि बर्षा लागेपछि खाल्डा पर्दै गएको र त्यसमा ठूलो क्षमताका सयौं टिप्पर चल्ने गरेकाले सडक पूरै हिलाम्मे बनेको छ ।
घोराही–प्युठान सडकअन्तर्गत पर्ने यो बाटो डिभिजन सडक कार्यालयको सेवाभित्र पर्ने भए पनि सडक डिभिजनले कुनै वास्ता नगरेको स्थानीयले बताएका छन् ।
जसले गर्दा यो सडकहुँदै गुड्ने साना सवारी साधन र पैदलयात्रुले निकै सास्ती खेपिरहेका छन् । त्यसो त घोराही–प्युठान सडकको नवलपुर चोकको प्रतिक्षालयनजिक भेलले सडक भत्काएको छ ।
त्यसको मर्मतका लागि डिभिजन सडकको ध्यान जान सकेको छैन ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
