कानुन बिना कर्माचारी भर्ना गरिएको भन्दै राप्ती स्वास्थ्य विज्ञान प्रतिष्ठान, उपकुलपति संगिता भण्डारी, स्वास्थ्य तथा जनसंख्या मन्त्रालय, लोक सेवा आयोग र प्रधानमन्त्री कार्यालयलाइ विपक्षी बनाएर सर्वोच्च अदालतमा रिट दायर भएको छ ।
तुलसीपुर उपमहानगरपालिका वडा नम्बर १३ निवासी कानुन व्यवसायी लोकेन्द्र ओलीले बिहिबार सर्वोच्च अदालतमा रिट दायर गरेका हुन् । स्वास्थ्य विज्ञान प्रतिष्ठानले कानुन विपरित करिब एक सय कर्मचारी करारमा नियुक्त गरेको छ । कानुन विपरित नियुक्त गरिएका कर्माचारी बर्खास्तीको माग राख्दै रिट दायर गरिएको उनले बताए ।
दुई हप्ता देखि साविक राप्ती उपक्षेत्रीय अस्पतालमा कार्यरत स्वास्थ्यकर्मी र कर्माचारीले प्रतिष्ठान मातहतमा राख्नु पर्ने माग राख्दै त्यहाँ आन्दोलन भइरहेको छ ।
रिटमा प्रतिष्ठान, उपकूलपति डा. भण्डारी, स्वास्थ्य मन्त्रालय, लोकसेवा आयोग र प्रधानमन्त्री तथा मन्त्रिरिषद् कार्यालयलाइ विपक्षी बनाइएको छ ।
रिटमा माघ १८ गते पेशी तोकिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
