लुम्बिनी प्रदेश सरकारको आर्थिक वर्ष २०७८ ७९ नीति कार्यक्रममाथि प्रदेशसभामा छलफल हिजोदेखि शुरु भएको छ ।
मुख्यमन्त्री शंकर पोख्रेलले नीति तथा कार्यक्रममाथिको छलफल शुरु गरियोस् भनेर प्रस्ताव राख्नुभएको थियो । साथै उहाँले नीति तथा कार्यक्रम पेश गरेकोमा प्रदेश प्रमुखलाई धन्यवाद दिने प्रस्ताव पनि पेश गर्नुभएको थियो । सो प्रस्ताव बहुमतबाट पारित भएको थियो ।
यसमा अल्पमत बहुमतका लागि मतदान नगराइए पनि ध्वनि मतका आधारमा प्रस्ताव पारित गरिएको प्रदेशसभा सदस्य इन्द्रजीत थारुले जानकारी दिनुभयो ।
उहाँले नीति तथा कार्यक्रममा छलफल शुरु भएकाले एक दुई दिनमा निर्णयार्थ पेश हुने बताउनुभयो । ‘संभवतः नीति तथा कार्यक्रममा भने ध्वनिमत भन्दा पनि मतदान नै हुनेछ’– उहाँले भन्नुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
