रुकुमपश्चिम आठबीसकोट नगरपालिका १० घारीखोलाका युवाहरुले थालेको ‘म बनाउछु मेरो गाउँ अभियान’लाई सोही ठाउँ निवास् प्रेमराज केसीले दुई लाख २२ हजार दुई सय बाइस रुपैयाँ सहयोग गर्नुभएको छ ।
हाल अमेरिका निवासी केसीले अभियानको खातामा रकम जम्मा गर्नुभएको हो । समाजसेवी केसी हाल Candidate for Vice President, NRNA NCC USA California Chapter 2021-2023 मा चुनाव लड्नुभएको छ ।
स्थानीय युवा र स्थानीय तहको साझेदारीमा ‘म बनाउछु मेरो गाउ’ अभियानअन्तर्गत जनविकास माध्यामिक विद्यालयको भौतिक संरचना र शैक्षिक सुधारको काम भइरहेको एक अभियन्ता एकराज केसीले जानकारी दिनुभयो ।
स्थानीयको जनश्रम र युवाको सहयोगबाट ६० लाख बढीको काम भएको छ भने १५ लाख रकम सहयोगस्वरुप जम्मा भएको छ । एक महिनामै भवन निर्माण गर्ने तयारीका साथ काम शुरु गरिएको भए पनि लकडाउन र आर्थिक अभावका कारण निर्माण कार्यले गति लिएको छैन ।
स्थानीय युवाले ४० लाख र त्यत्तिकै नगरपालिकाले अनुदान गरी ८० लाख र ८० लाख जनश्रमदान गरी एक करोड ६० लाखको लगानीमा योजना सम्पन्न गर्ने उद्देश्य रहेको केसीले जानकारी दिनुभयो । अहिलेसम्म ६० प्रतिशत काम सम्पन्न भएको छ । युवाहरुले संकलन गर्ने रकममध्ये २५ लाख अझै सहयोग जुट्न बाँकी छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
