भारतको जयपुर रवीन्द्र मञ्चमा चलिरहेको समानान्तर साहित्य उत्सव’अन्तर्गत मंगलवार नेपाल–भारत कवि संवाद भएको छ ।
कार्यक्रममा नेपाली कवि सरिता तिवारी, अभय श्रेष्ठ र प्रमोद धितालले हिमन्दी तथा नेपाली दुबै भाषामा कविता वाचन गर्नुभएको थियो । भारतीय कवि नित्यानन्द गायेनले पनि कविता वाचन गर्नुभएको थियो । कार्यक्रम संयोजक अभय श्रेष्ठले गर्नुभएको थियो ।
यसैगरी कवि सरिता तिवारीको हिन्दीमा अनुदित कविता संग्रह ‘सवालौंका कारखाना’माथि छुट्टै सत्रमा परिचर्चा भएको थियो ।
कविता संग्रहभित्र समेटिएका कविताहरुको विषयवस्तु, अनुवाद तथा वर्तमान नेपाली कविताको लेखनको अवस्था र प्रवृत्तिबारे लेखक तिवारी, कवि श्रेष्ठ र अनुवादक धितालले चर्चा गर्नुभएको थियो ।
कार्यक्रम सहजीकरण भारतीय कवि नित्यानन्द गायेनले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
