दाङका विभिन्न आइसोलेशन केन्द्रमा अक्सिजन खरिदका लागि दाङ देउखुरी सेवा समाज दोहा कतारले दुई लाख २० हजार सहयोग गरेको छ ।
जसअनुसार राप्ती स्वास्थ्य विज्ञान प्रतिष्ठानमा अक्सिजन प्लान्ट खरिद गर्न ५५ हजार रुपैयाँ गरिएको छ । दाङ देउखुरी सेवा समाज दाङका अध्यक्ष लिलामणि लामिछानेलाई आइसोलेशनहरुमा रकम हस्तान्तरण गर्नुभएको थियो ।
त्यस्तै बेलझुण्डी कोरोना अस्पताललाई ५० सिलिण्डर अक्सिजन बराबर ५० हजार र नेपाल पत्रकार महासंघ दाङलाई २५ सिलिण्डर बराबर २५ हजार सहयोग प्रदान गरिएको समाजका अध्यक्ष छबिलाल बुढाथोकीले जानकारी दिनुभयो ।
सबै आइसोलेशनलाई अक्सिजनकै लागि दिएको र अरु काममा खर्च नगर्न आग्रह गरिएको पनि उहाँले जानकारी दिनुभयो । प्रतिष्ठानमा अक्सिजन प्लान्ट निर्माण हुन थालेकाले त्यसका लागि सहयोग गरिएको अध्यक्ष बुढाथोकीले बताउनुभयो ।
समाजले देउखुरीका लागि ६० हजार छुट्याएको छ । जसअनुसार सिसहनियाँ आइसोलेशनलाई २० हजार हस्तान्तरण गरिएको छ भने लमहीमा ४० हजार हस्तान्तरण गरिदैछ ।
पश्चिम दाङका आइसोलेशनका लागि ३० हजार छुट्याइएको जानकारी दिंदै अध्यक्ष बुढाथोकीले चाँडै हस्तान्तण गरिने बताउनुभयो । अन्य देशमा बस्ने दाङबासीले पनि अभियानमा सहयोग गरेका छन् ।
दाङ देउखुरी सेवा समाज दोहा कतारले अभियान चलाएर आर्थिक संकलन गरिएको थियो भने दाङ देउखुरी सेवा समाजको समन्वयमा वितरण गरिएको थियो ।
सन् २०१२ मा कतारमा बस्ने दाङबासीले गठन गरेको यो संस्थाले धेरै सामाजिक सेवा गरिसकेको छ । दाङ देउखुरी सेवा समाज दोहा कतारसँगको समन्वयमा दाङ देउखुरी सेवा समाज घोराहीले पनि सामाजिक सेवाका काम गर्दै आएको छ । एउटा एम्बुलेन्स सञ्चालनमा छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
