पुर्व पश्चिम राजमागको दाउन्ने सडक खण्डमा बस दुर्घटना हुँदा ४ जनाको मृत्यु भएको छ ।
पश्चिम नवलपरासीको दाउन्ने सडकखण्डको खुर्साने खोला नजिकै सडकबाट तल बस खस्दा ४ जनाको मृत्यु भएको हो । काठमान्डौबाट रुकुम पश्चिमका लागी छुटेको ना ५ ख २७१३ नम्बरको यात्रुवाहक बस दाउन्नेको खुर्साने खोलाबाट सडकदेखि २ सय मिटर तल खसेको इलाका प्रहरी कार्यालय बर्दघाटका प्रहरी निरिक्षक कपिल वाग्लेले जानकारी दिनुभएको छ ।
मृतक मध्ये रुकुम पश्चिमको त्रिवेणी गाँउपालीकाकि २७ वर्षिय कल्पना पुनको र रुकुम पूव सिस्ने गाउँपालिका ४ का ३६ वर्षका धनराज घर्तिको मात्र सनाखत भएको छ ।
घाईतको उद्धार गरी चिसापानी अस्पताल बर्दघाटमा ल्याएको छ घाईते मध्ये केहिको अवस्था गम्भिर रहेको छ । गम्भिर घाईतेलाई उपचारका लागी बुटवल पठाईएको प्रहरीले जनाएको पत्रकार प्रमोद अर्यालले जानकारी दिनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
