रुकुम पूर्व पुथा उत्तरगंगा गाउँपालिका १२ गाेल्खाडामा गाउँ समाज सुधार तथा परिवर्तन गाेल्खाडा प्रवासी समुहको सहयाेगमा विद्यालयकाे फिल्ड निर्माणकाे लागि जग्गा खरिद गरिएको छ ।
४ लाख ८० हजारमा खरिद गरिएको जग्गामा ३ लाख प्रवासी समुहको सहयाेग रहेकाे थियाे भने १ लाख ८० हजार भने गाउँमै संकलन गरिएको वि.व्य.स अध्यक्ष लहरबादुर बुढाले जानकारी दिनु भयाे ।
अध्यक्ष बुढाका अनुसार खरिद गरिएको जग्गामा फिल्ड निर्माण तथा तारबार गर्न गाउँपालिकाबाट ७ लाख बजेत विनियोजन भएकाे छ । अबकाे केही समय पछि काम सुचारु गर्ने अध्यक्ष बुढाले बताउनुभएको ।
सहयाेग संकलन गर्न प्रवासी समुहमा धनिमान बुढाले पहल गर्नुभएकाे थियाे भने गाउँमा स्थानिय युवाहरुकाे पहलमा अार्थिक संकलन गरिएको स्थानिय युवा तारा रसाइलीले बताउनु भयाे ।
फिल्ड निर्माण र विद्यालय ताराबार भएपछि विद्यालय परिसर सुरक्षित र सफा सुगर रहने विस्वास गरिएकाे छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
