दाङको एक खानेपानी समितिको पदाधिकारीमा दलीय प्रतिष्पर्धा भएको छ ।
घोराही उपमहानरपालिका १२ स्थित हापुर खानेपानी उपभोपक्ता समिति स्किम नम्बर २ हापुरमा भएको दलीय निर्वाचनमा प्रचण्ड र माधवकुमार नेपाल नेतृत्वको प्यानल बिजयी भएको छ ।
जसको अध्यक्षमा जयबहादुर बुढा, सचिवमा राजबहादुर परियार ‘राजु कान्छा’ र कोषाध्यक्षमा नरबहादुर बुढामा निर्वाचित हुनुभएको छ । उहाँहरु उउटै प्यालनबाट चुनाव लड्ुनुभएको थियो ।
दश जनाको कार्य समितिबाट दुइ प्यालन भएर चुनाव लडेका थिए । जसअनुसार अध्यक्षमा प्रचण्ड–नेपाल प्यानलबाट बुढा तथा ओली–कांग्रेस प्यानलबाट टेकबहादुर भण्डारी, सचिवमा दीर्घराज न्यौपाने र कोषाध्यक्षमा प्रकाशचन्द घिमिरे चुनाव लडे पनि कांग्रेस–ओली प्यानलका भण्डारी, न्यौपाने र घिमिरे पराजति हुनुभएको छ । यद्यपि उहाँहरु पनि सदस्य भने रहनुभएको छ ।
सदस्यमा टेकबहादुर भण्डारी, दीर्घराज न्यौपाने, प्रकाशचन्द्र घिमिरे, कौशिला बिक, रेवती सुनार, रुक्मिना न्यौपाने र गोविन्द गौतम रहनुभएको छ । समितिअन्तर्गत साढे छ सय उपभोक्ता रहेका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
