नेपाल कम्युनिष्ट पार्टी (नेकपा, प्रचण्ड–नेपाल पक्ष)निकट नेपाल दलित मुक्ति संगठन दाङको भेला तुलसीपुरमा सम्पन्न भएको छ ।
भेलालले टंक सुनारलाई संयोजक र हिरालाला सुनारलाई सहसंयोजक बनाएको छ । एक सय ५५ सदस्यीय जिल्ला सम्मेलन आयोजक समिति गठन गरिएको सो संगठनले जनाएको छ ।
नेपाल दलित मुक्ति मोर्चा र उत्पीडित जातीय मुक्ति समाजका सबै जिल्ला कमिटी रहने र बाकी बैठक बाट थप्ने निर्णय गरिएको संयोजक सुनारले जानकारी दिनुभयो ।
भेलाको उद्घाटन नेकपाका स्थायी समिति सदस्य जनार्दन शर्मा ‘प्रभाकर’ले गर्नुभएको थियो ।
भेलामा नेकपाका केन्द्रीय सदस्य नारायणी शर्मा, जिल्ला अध्यक्ष टीकाराम खड्का, राजु परियार, बिजय बिक, बासुदेब बिक, राधिका परियार, खर्के सुनार, मानबहादुर रसाइली, साबित्रा बिकलगायतले बोल्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
