कामकाज सुरु भएको दुई वर्ष विति सक्दासम्म पनि रुकुम पुर्वको रुकुमकोट स्थित लुस्पा धारा लिफ्टिङ खानेपानी आयोजनाको काम सम्पन्न भएको छैन । अहिलेको दशै भित्र घरघरमा पानी पार्याउने लक्ष्य सहित वि स २०७५ देखि उक्त आयोजनाको काम थालनि गरिएकोमा अहिलेसम्म ९५ प्रतिशत काम मात्र सम्पन्न भएको छ ।
विगत २ वर्ष अघिदेखि काम सुचारु गरिएको लिफ्टिङ खानेपानी आयोजनाको मुख्य पाइप लाइनको थोरै काम बाकि रहेको छ, भने वितरण लाइनको टयाङकीसम्मको सवै काम सकिएको ६ नम्बर वडाका वडा अध्यक्ष सुधन रेग्मिले बताउनुभयो । उहाँका अनुसार उक्त आयोजना सञ्चालनमा ल्याउन एक लाख लिटरका दुई वटा ठूला मुल ट्याङ्की र सहायक चार वटा ट्याङकी निर्माण गरिएको छ । अव लुष्पा धारा नजिकै रहेको १ नम्बर टयाङकीबाट माथि डाडामा रहेको २ नम्बर टयाङकीका पानि खसाल्न मात्र बाकि रहेको रेग्मिले बताउनुभयो । उहाँका अनुसार वितरण टयाङकीबाट घरघरमा पानी पुर्याउनको लागि पाइप जडानको काम पनि बाकी रहेको छ । विगत एक महिना अघि दशैसम्म लुस्पाको पानी घरघरमा पुर्याउने भनिएको थियो ।
२ नम्बर टयाङकी निर्माण गरिएको जग्गा व्यक्तिको भएको र टयाङकी निर्माण गरिएको ३ सय ३० मिटर जग्गाको पैसा जग्गा धनिले नपाएकाले एक नम्बर बाट दुई नम्बर टयाङकीमा पानी राख्न नसकिएको वडा अध्यक्ष रेग्मिले बताउनुभएको छ । आयोजना सुरु गर्दा दुई वर्ष अघि जग्गाको ९ लाख रुपैया जग्गा धनी भत्तलबहादुर विकलाई दिने कागज भएको थियो उहाँले भन्नुभयो तर अहिलेसम्म उक्त पैसा तिर्न नसक्दा काममा ढिलाई भएको छ । उक्त पैसा गाउँपालिकाले तिर्नुपर्ने कतव्र्य भएपनि गाउँपालिका विभिन्न बाहनामा पछिन्न खोजीरहेको रेग्मिले आरोप लगाउनु भएको छ । रुकुमकोटमा रहेको खानेपानीको समस्या समाधानको लागि भन्दै स्थानिय र प्रदेश सरकारले ३ करोड भन्दा बढि लगानीमा उक्त अयोजनाको काम भएको छ ।
यस्ता सिस्ने गाउँपालिका अध्यक्ष कुमारी बरालले उक्त आयोजना प्रदेश सरकार र गाउँपालिका दुवैको भएकाले स्थानिय सरकारले मात्रै कुनै निर्णय लिन नसकिएको बताउनुभएको छ । टयाङकी निर्माणको क्रममा वडा अध्यक्ष र जग्गा धनिविच के सहमति भएको थियो उहाँले भन्नुभयो त्यो गाउँपालिकालाई थाहा छैन ।
विविध कारण बस उक्त आयोजनाको पछिल्लो समस्या बारे आफूलाई थाहा नभए पनि तत्काल जनप्रतिनिधि, जग्गा धनी, उपभोक्ता समिति र प्राविधिक सहितको टोलीलाई बैठकमा बसाली उचित्त निकास खोजिने अध्यक्ष बरालले बताउनुभएको छ । खानेपानीको समस्या प्रति गाउँपालिका सचेत रहेकाले तिहार अगाडी नै सवै पक्षको बैठक बसाली निकास खोज्ने उहाँको भनाई छ ।
दुई वर्षभित्र निर्माण गरी लिप्ट मार्फत ६ नम्बर वडाका अधिकाङस घरघरमा लुष्पाको पानी पुर्याउने भनिए पनि समयमा नै काम सम्पन्न हुन नसक्दा यहाँका नागरिकलाई भने खानेपानीको लागि पानीका मुल तथा मुहान खोज्नु पर्ने बाध्यता जिउका तिउ रहेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
