रुकुम पुर्वका ५४ जनाको कोरोना रिपोट नेगेटिभ आएको छ । कोरोना भाइरसको संक्रमण छ कि छैन भनेर बुझनको लागि प्रादेशिक जनस्वास्थ्य प्रयोगशाला रुपन्देहिमा गरिएको परिक्षणका क्रममा परिक्षण गरिएका ५४ जनाको रिपोर्ट नेगेटिभ आएको हो । गएको असोज २२ र २३ गते जिल्लाका तिन गाउँपालिकाबाट एक सय ५६ जनाको स्वाब संकल गरिएकोमा ५४ जनाको रिपोट कोरोना नभएको आएको हो ।
गएको २२ र २३ गते पुथाका १५, भुमेका ८० र सिस्नेका ६१ गरी एक सय ५६ जनाको स्वाब संकलन गरि राप्ति स्वास्थ्य विज्ञान प्रतिष्ठान दाङ पठाइएको थियो । परिक्षणका लागि स्वाब दाङ पठाइए पनि दाङमा परिक्षण नभइपछि उक्त स्वाब रुपन्देहि पठाइएको थियो ।
संकलन गरिएका मध्य ५४ जनाको मात्र रिपोट आएको र अन्यको रिपोर्ट आउन बाकि रहेको स्वास्थ्य कार्यालय रुकुम पुर्वका कोरोना रोग फोकल पर्सन निमप्राद गिरीले जानकारी दिनुभएको छ । उहाँका अनुसार पुथाका १५ जना सवैको रिपोट नेगेटिभ आएको छ । यसैगरी भुमे गाउँपालिकाका ३९ जनाको नमुना परिक्षण गरिएकोमा ३९ जनाकै रिपोर्ट नेगेटिभ आएको उहाँले बताउनुभयो ।
भुमेका अन्य ४१ जना र सिस्ने गाउँपालिकाका ६१ जना सवैको स्वाब परिक्षण गर्न बाकि रहेको फोकल पर्सन गिरीको भनाई छ । अन्यको भोली साझसम्म रिपोर्ट आउन सक्ने उहाँले बताउनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
