नेपाल कम्युनिष्ट पार्टी (नेकपा) रुकुमपश्चिमले पार्टी एकतालाई जनस्तरसम्म पुर्याएको छ । जसअनुसार उसले गाउँगाउँमा रहेका समितिहरुबीच पनि एकता गरेको छ ।
मुसीकोट ९ मा गरिएको भेलामा नेकपाका जिल्ला सदस्य शशिराम पुन, प्रदेश परिषद् सदस्य धनबहादुर खड्का, राष्ट्रिय युवा संघ रुकुमका जिल्ला सहसंयोजक हरिबोल भरती, नगर सहसंयोजक चुडामनि पुन, जिल्ला सदस्य अनिल खड्कालगायतले बोल्नुभएको थियो । भेलाले वडा संयोजक दिपेन्द्र बिक र सहसंयोजक युवराज ओली रहेको ३९ सदस्यीय वडा समिति गठन गरेको छ ।
त्यस्तै वडा नम्बर १० को भेलामा राष्ट्रिय युवा संघ मुसिकोट नगर सहसंयोजक चुडामनि पुन, पार्टी वडा अध्यक्ष धनबहादुर खड्का, युवा संघका जिल्ला सदस्य अनिल खड्कालगायतले बोल्नुभएको थियो । भेलाले नबराज खड्का संयोजक र सरोज सुनार सहसंयोजक रहेको ३७ सदस्यीय वडा समिति गठन गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
