रुकुम पुर्वमा लामो दूरीका यातायातका साधनहरु आजदेखि सञ्चालनमा आएका छन । गत चैत्रदेखि बन्द भएका यातायातका साधनहरु आजदेखि सञ्चालनमा आएका हुन । सरकारले गत असोज १ गतेदेखि नै देशभर लामोदूरीका यातायातका साधन सञ्चालन गर्ने निर्णय गरेपनि रुकुम पुर्वमा भने जिल्ला संकट व्यवस्थापन समितिले सदरमुकाम रुकुमकोटमा गरेको निशेधाज्ञा कारण यातायातका साधनहरु सञ्चालनमा आउन सकेका थिएनन । तिन साता लामो निशेधाज्ञा हिजोबाट हटेसंगै व्यसायिहरुले यातायातका साधनहरु पनि सञ्चालनमा ल्याएका हुन ।

भौतिक दूरी कायम गरी स्वास्थ्य मापदण्डको पालना गर्ने तथा साविकको भाडादरमा ५० प्रतिशत बढाएर भाडा लिने गरी यातायातका साधनहरु सञ्चालनमा ल्याइएको पुृर्वि रुकुम यातायात प्रालीका काउन्टर इन्चार्ज सनम गौतमले जानकारी दिनुभएको छ ।

कोरोनाको जोखिमलाई मध्यनजर गर्दै साविकको भाडामा ५० प्रतिशत बृद्धि गरि एउटा सिटमा १ जना यात्रु मात्र राख्ने, गाडीमा मास्क र सेनिटाइजरको अनिवार्य प्रयोग गर्ने, चालक र सहचालकले अनिवार्य गोल्पसको प्रयोग गर्ने गरी यातायातका साधनहरु सञ्चालनमा ल्याइएको गौतमले बताउनुभयो । उहाँका अनुसार आजदेखि यस अघि चल्ने रुटहरु जिल्ला भित्रका सवै स्थानहरु र रुकुम पश्चिम, दाङ, काठमाडौ लगायतका ठाउँहरुमा गाडि सञ्चालन भएका छन । सरकारले भनेबमोजिम सम्पूर्ण स्वास्थ्य मापदण्ड पूरा गरी यातायातका साधन सञ्चालन गरिएको यातायात व्यवसायीहरुको बताएका छन ।

यातायातका साधनहरु सञ्चालनमा आए पनि काउन्टर भने नखोलिएको यातायात व्यवसयीहरुको भनाई छ । सिस्ने गाउँपालिका भित्रका २४४ जनाको पसिआर रिपोर्ट नआउनजेलम्म काउन्टर नखोल्ने निर्णय भएको जिल्लाका यातायात व्यवसायिहरुले बताएका छन ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।