दशै तथा तिहारको लागि सस्तोमा चामल बिक्रि सुरु खाद्य व्यवस्था तथा व्यापार कम्पनी जिल्ला रुकुम पश्चिमले आजबाट दशै तथा तिहारलाई मध्य नजर गर्दै सस्तोमा चामल बिक्रि सुरु गरेको छ ।
आजबाट मंसिर ६ गते सम्मको लागि खाद्य कम्पनीले सस्तोमा चामल बिक्रि गर्ने भएको हो । विगतका वर्षहरु जस्तै यो वर्ष पनि सस्तोमा चामल बिक्रि सुरु गरिएको खाद्य व्यवस्था तथा व्यापार कम्पनी जिल्ला शाखा सल्लेका निमित्ति कार्यलय प्रमुख चन्द्रबहादुर खड्काले जानकारी दिनुभयो ।
कम्पनीले यो वर्ष चामल मात्र बेच्ने छ । कम्पनीमा पाईने चामल एक क्वीन्टलको ५ सय सस्तोमा बिक्रि गरिने उहाँको भनाई छ । कम्पनीको गादाममा रहेको मध्यम चामल ५२ सयमा बिक्रि हुदै आएकोमा आजबाट ४७ सयमा बिक्रि थालिएको छ । त्यस्तै जापानिज चामल ४८ सयमा बिक्रि हुदै आएकोमा आज देखि ४३ सयमा र जिरा चामलको मुल्य पनि ५ सयले घटेको छ ।
जिरा चामल भक्करै कम्पनीमा आएकोले पुरानो मुल्य भने तोकिएको छैन् । दशै तथा तिहारको बिचमा उपभोक्ताहरुले सल्लेमा रहेको कम्पनीको कार्यालयबाट चामल पाउने छन् । त्यस्तै कम्पनीले दशै अगाडिनै जिल्लाका बिभिन्न डिपो, बिक्रि केन्द्र तथा सहकारीबाट चामल बिक्रि गर्नको लागि सम्झौता गरि चामल गाउँ–गाउँमा पठाएको छ । सहकारीबाट भने पुरानै मुल्यमा चामल पाईने कम्पनीको भनाई छ ।
रुकुम पश्चिमको कम्पनीको कार्यलय सल्ले, स्यालाखदि बिक्रि केन्द्र, रुकुम पुर्वको सोभागाउँ डिपो, तकसेरा बिक्रि केन्द्र र जिल्लाका बिभिन्न सहकारी मार्फत खाद्य कम्पनीको चामल बिक्रि हुदै आएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
