दाङ। बेलायतमा रहेका गोर्खा ग्रुप, दाङका सेयरधनीहरूले प्रधानमन्त्री दैवी प्रकोप उद्धार कोषमा रु २ लाख ४१ हजार १७७ सहयोग गरेका छन्।
ग्रुपका सेयरधनीहरूले उक्त रकम १ हजार ५३६ अमेरिकी डलर बराबर रहेको जनाएका छन्। विपद्को समयमा सहयोगमार्फत आफ्नो सामाजिक उत्तरदायित्व पूरा गर्ने उद्देश्यले रकम प्रदान गरिएको उनीहरूको भनाइ छ।
सहयोगकर्ताहरूले प्रकृतिसँगको सम्बन्धलाई बलियो बनाउँदै वातावरण संरक्षण र विश्वव्यापी तापक्रम वृद्धिविरुद्ध सामूहिक रूपमा अघि बढ्नुपर्नेमा जोड दिएका छन्।
उनीहरूले यस्तो सहयोगलाई नेपालीपन, प्रकृतिप्रतिको जिम्मेवारी र मानवीय सेवाको भावनासँग जोडिएको कार्यका रूपमा प्रस्तुत गरेका छन्।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
