जनता समाजवादी पार्टी (जसपा) नेपालले लुम्बिनी प्रदेश सरकारलाई दिएको समर्थन फिर्ता लिएको छ। 
सोमबार जसपाका महासचिव डा. सुरेन्द्रकुमार झाले प्रदेश संसदीय दलका नेतालाई पत्र पठाएर समर्थन फिर्ता लिएको जनाएका छन्। लुम्बिनीमा सन्तोषकुमार पाण्डेय जसपा संसदीय दलका नेता रहेका छन्।
नेकपा (एमाले)बाट लुम्बिनी प्रदेशका मुख्यमन्त्री चेतनारायण आचार्यलाई जसपाले समर्थन गरेको थियो। सोमबारबाटै समर्थन फिर्ता लिएको जसपा महासचिव झाले जनाएका छन्।
यससँगै मुख्यमन्त्री आचार्यले विश्वासको मत पनि नदिने भएको छ। आज मुख्यमन्त्री आचार्यले प्रदेशबाट विश्वासको मत लिँदै छन्।
जसपाले पठाएको पत्रमा मुख्यमन्त्री आचार्यको विश्वासको मतको प्रस्तावको विपक्षमा मतदान गर्न प्रदेश सभा सदस्यलाई निर्देशन दिएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
