घोराही। एउटा भैँसीले आइतबार दिनभर घोराही उपमहानगरपालिका–१८ का नवलपुर, पालदमार, सालघारी, अम्बापुरलगायतका बस्तीलाई त्रसित बनायो। मासु व्यवसायीले खरिद गरेर ल्याएको भैँसी खोरमा राख्ने क्रममा फुत्किएर मानव बस्तीमा पसेपछि स्थानीयमा त्रास फैलिएको हो।
भैँसीको आक्रमणबाट सर्वसाधारण घाइते हुन थालेपछि स्थानीयवासी घरबाहिर निस्कनसमेत सशंकित बने। भैँसीलाई नियन्त्रणमा लिन नेपाल प्रहरी, नेपाली सेना, मासु व्यवसायी र स्थानीयवासी दिनभर खटिए। बस्तीभरि दौडधुप, खोजी र नियन्त्रणको प्रयास चलिरहँदा नवलपुर, पालदमार, सालघारी र अम्बापुर क्षेत्र दिनभर तनावग्रस्त बने।
अन्ततः आइतबार साँझ स्थानीयको सुझबुझ, व्यवसायीको अनुभव र सुरक्षाकर्मीको समन्वयमा भैँसीलाई सुरक्षित रूपमा नियन्त्रणमा लिन सफल भएपछि मात्रै स्थानीयले राहतको सास फेर्न पाए। पाँच दिनदेखि जारी त्रासको अन्त्यसँगै प्रभावित क्षेत्रमा जनजीवन पुनः सामान्य बन्न थालेको छ।
तस्बिरहरू : नरेन्द्र केसी
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
