दाङ । दाङका बालकलाकार युनिश घिमिरेको अभिनय रहेको नयाँ तीज गीत ‘रुमाल चिनो दिम भने मैलेला’ सार्वजनिक भएको छ।
गायक सन्दीप सेन्चुरीको आधिकारिक युट्युब च्यानलमार्फत सार्वजनिक गरिएको उक्त गीतमा सन्दीप सेन्चुरी र अश्मिता सानुको स्वर रहेको छ। गीतका शब्द सन्दीप सेन्चुरी र उदयराज परियारले लेखेका हुन् भने थेगो तथा संगीत सन्दीप सेन्चुरीकै रहेको छ। संगीत संयोजन खेमराज गौतमले गरेका छन्।
गीतको म्युजिक भिडियोमा दंगाली बालकलाकार युनिश घिमिरेसँगै अगम परियार, वर्षा नेपाली र शिखा पोखरेलको अभिनय रहेको छ। भिडियोको कथा तथा निर्देशन पनि सन्दीप सेन्चुरीले गरेका हुन् भने छायांकन अर्जुन रोका मगर एन्ड टिमले गरेको हो।
दाङका विभिन्न स्थानमा छायांकन गरिएको उक्त भिडियोको सम्पादन तथा कलरिङ अविषेक मल्लले गरेका छन् भने कोरियोग्राफी मनोज घर्ती मगरको रहेको छ। नयाँ तीज गीत सार्वजनिक भएसँगै दर्शक तथा श्रोतामाझ सकारात्मक प्रतिक्रिया प्राप्त गरिरहेको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
