दाङ । आत्मदाह प्रयासपछि गम्भीर घाइते भएका मुगुको सोरु गाउँपालिका–१ का २५ वर्षीय गणेश नेपालीको उपचारका क्रममा वीर अस्पतालमा निधन भएको छ।
जिल्ला प्रहरी परिसर काठमाडौंका एसएसपी दिलीप घिमिरेका अनुसार सघन उपचारमा रहेका नेपालीको स्वास्थ्य अवस्था थप जटिल बन्दै गएपछि उनको मृत्यु भएको हो।
यसअघि वीर अस्पतालले पत्रकार सम्मेलन गरी नेपालीको स्वास्थ्य अवस्था अत्यन्तै गम्भीर रहेको जनाएको थियो। अस्पतालका चिकित्सकहरूले उनको अवस्था अस्थिर रहेकाले जुनसुकै समयमा थप जटिलता उत्पन्न हुन सक्ने बताएका थिए।
उपचारमा संलग्न चिकित्सकका अनुसार नेपालीको शरीरको करिब ५५ प्रतिशत भाग जलेको थियो। आगोका कारण अनुहार र श्वासप्रश्वास नलीमा समेत गम्भीर क्षति पुगेकाले उपचार चुनौतीपूर्ण बनेको थियो।
उनी वीर अस्पतालको बर्न आइसियुमा भेन्टिलेटरको सहायतामा उपचाररत रहेका थिए। उपचारकै क्रममा उनको निधन भएको प्रहरीले जनाएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
