दाङ । वाई–वाई यू–१९ लुम्बिनी प्रदेशस्तरीय क्रिकेट छनोट प्रतियोगिता–२०८३ को उपाधि जितेर इतिहास रचेको दाङको यू–१९ क्रिकेट टोलीलाई दाङ क्रिकेट संघले सम्मान गरेको छ।
रुपन्देहीको भैरहवा क्रिकेट मैदानमा सम्पन्न फाइनल खेलमा घरेलु टोली रुपन्देहीलाई ३६ रनले पराजित गर्दै दाङले पहिलो पटक लुम्बिनी प्रदेश च्याम्पियन बन्ने गौरव हासिल गरेको थियो। यो जितसँगै दाङको क्रिकेट इतिहासमा नयाँ अध्याय थपिएको छ।
सम्मान कार्यक्रममा बोल्दै वक्ताहरूले खेलाडीहरूको उत्कृष्ट प्रदर्शनले दाङको क्रिकेटलाई नयाँ उचाइमा पुर्याएको उल्लेख गर्दै आगामी दिनमा अझ मेहनत, अनुशासन र समर्पणका साथ राष्ट्रिय तथा अन्तर्राष्ट्रिय प्रतियोगितामा जिल्लाको नाम अझ उज्ज्वल बनाउन शुभकामना व्यक्त गरे।
दाङ क्रिकेट संघले खेलाडीहरूको मेहनत, लगनशीलता र टिमवर्कको प्रशंसा गर्दै यस्ता सफलताले जिल्लामा क्रिकेटप्रतिको आकर्षण र सम्भावना अझ बढ्ने विश्वास व्यक्त गरेको छ।
दाङ क्रिकेट संघका अध्यक्ष प्रदीप मज्गैयाको अध्यक्षता उक्त सम्मान कार्यक्रम भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
