राष्ट्रिय स्वतन्त्र पार्टी (रास्वपा)को महामन्त्रीमा दाङका विपिन आचार्य निर्वाचित हुनुभएको छ।
चितवनमा जारी पार्टीको प्रथम महाधिवेशनअन्तर्गत सम्पन्न मतदानमा आचार्यले आफ्ना निकटतम प्रतिस्पर्धी मनिष झालाई पराजित गर्दै महामन्त्री पदमा विजय हासिल गर्नुभएको हो। परिणाम सार्वजनिक भएलगत्तै पराजित उम्मेदवार झाले आचार्यलाई बधाई दिनुभएको थियो।
पार्टीका संस्थापक तथा यसअघि सहमहामन्त्री रहेका आचार्य दाङ क्षेत्र नम्बर २ बाट निर्वाचित प्रतिनिधिसभा सदस्य पनि हुनुहुन्छ ।
निर्वाचित भएपछि प्रतिक्रिया दिँदै आचार्यले अब पार्टीलाई एकताबद्ध बनाउँदै अघि बढाउनु प्रमुख जिम्मेवारी रहेको बताउनुभयो।
मतपरिणामअनुसार आचार्यले ६७३ मत प्राप्त गर्नुभयो भने मनिष झाले ३४६ मत पाउनुभयो। महामन्त्री पदका अर्का उम्मेदवार गणेश कार्कीले १६९ मत तथा सागर ढकालले १३९ मत प्राप्त गर्नुभएको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
