घोराही । गल्ला तथा किराना व्यवसायी समिति घोराही, दाङको १४औँ साधारणसभा तथा पाँचौँ अधिवेशन शनिबार घोराहीमा सम्पन्न भएको छ।
अधिवेशनले बिनोद प्रसाद पाण्डेलाई दोस्रो कार्यकालका लागि पुनः अध्यक्षमा निर्वाचित गरेको छ। पाण्डेको नेतृत्वमा एक सदस्य पछि थप्ने गरी १५ सदस्यीय नयाँ कार्यसमिति चयन गरिएको छ।
नवनिर्वाचित कार्यसमितिको उपाध्यक्षमा गोपाल खनाल, सचिवमा सुरज सुवेदी, सहसचिवमा थानेश्वर बुढा, कोषाध्यक्षमा घनश्याम खनाल तथा सह–कोषाध्यक्षमा मुक्तिराम खनाल निर्वाचित भएका छन्।
त्यसैगरी सदस्यहरूमा ईश्वरी भुसाल , वसन्त गौतम, तारा वली, खिमराज भण्डारी, खिमबहादुर खत्री, बलबहादुर खड्का, सुनिल घिमिरे र शरद डाँगी चयन भएका छन्।
अधिवेशनले आगामी कार्यकालका लागि व्यवसायीहरूको हकहित संरक्षण, व्यवसायिक एकता तथा बजार व्यवस्थापनमा सक्रिय भूमिका निर्वाह गर्ने प्रतिबद्धता व्यक्त गरेको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
