दाङ । सरकारले हप्तामा दुई दिन शनिबार र आइतबार सार्वजनिक बिदा दिने निर्णय गरेपछि विद्यालय तहको पठनपाठन र कार्यघण्टा मिलानका लागि नयाँ व्यवस्था लागू गरिएको छ।
राष्ट्रिय पाठ्यक्रम विकास तथा मूल्याङ्कन परिषद्को सुझावका आधारमा पाठ्यक्रम विकास केन्द्रले यो नयाँ व्यवस्थापन गरेको हो।
नयाँ व्यवस्थापन अनुसार अब विद्यालयहरू एक शैक्षिक वर्षमा कम्तीमा २ सय ५ दिन सञ्चालन हुनुपर्नेछ। स्वीकृत पाठ्यक्रमले तोकेको पाठ्यघण्टा नघट्ने गरी कार्यघण्टा मिलान गरिएको केन्द्रका महानिर्देशक युवराज पौडेलले जानकारी दिनुभयो।
केन्द्रका महानिर्देशक युवराज पौडेलका अनुसार कक्षा १ देखि ३ सम्म वार्षिक ८ सय ३२ घण्टा, कक्षा ४ देखि ७ सम्म १ हजार २४ घण्टा र कक्षा ९ देखि १२ सम्म कम्तीमा १ हजार १ सय ८४ कार्यघण्टा पठनपाठन हुनुपर्नेछ।
हप्तामा दुई दिन बिदा हुँदा वार्षिक रूपमा अपुग हुने कार्यघण्टालाई विद्यालय समयभन्दा अतिरिक्त समयमा पूरा गरिनेछ।
यसका लागि अतिरिक्त समयमा गरिने परियोजना कार्य, प्रयोगात्मक कक्षा र अन्य सिकाइ क्रियाकलापलाई वार्षिक कार्यघण्टामा समावेश गर्न केन्द्रले पालिका र विद्यालयहरूलाई निर्देशन दिएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
