घोराही । घोराही खानेपानी उपभोक्ता तथा सरसफाइ संस्था कार्यसमितिको निर्वाचन–२०८३ को अन्तिम मतपरिणाम सार्वजनिक भएको छ । निर्वाचनमा अध्यक्षसहित अधिकांश पदमा ध्रुव केसी नेतृत्वको प्यानल विजयी भएको छ भने महिला उपाध्यक्ष पदमा फरक परिणाम आएको छ ।
अध्यक्ष पदमा ध्रुव केसीले २,५९३ मत प्राप्त गर्दै शानदार विजय हासिल गरेका छन् । उनका निकटतम प्रतिद्वन्द्वी किशोरकुमार आचार्यले ६८० मत प्राप्त गर्दा सुमन शर्माले १५५ मत प्राप्त गरेका छन् ।
वरिष्ठ उपाध्यक्ष पदमा भरतमणि पाण्डे १,९१६ मतसहित विजयी भएका छन् । उनका प्रतिस्पर्धी यशोदा पाण्डेले १,२२८ मत प्राप्त गरेका छन् ।
महिला उपाध्यक्ष पदमा खुमा कुमारी खड्का १,३६१ मतसहित विजयी भएकी छन् । निरजा पोख्रेलले १,२२७ मत तथा कमला लम्सालले ५४५ मत प्राप्त गरेका छन् । यो पदमा मात्रै ध्रुव केसी नेतृत्वको प्यानल बाहिरकी उम्मेदवार विजयी भएको बताइएको छ ।
त्यसैगरी सचिव पदमा धर्मेन्द्र श्रेष्ठ २,३३९ मतसहित विजयी भएका छन् भने उनका प्रतिस्पर्धी दिनेश वलीले ८४२ मत प्राप्त गरेका छन् ।
कोषाध्यक्ष पदमा टिकाराम वली १,४३३ मतसहित विजयी भएका छन् । दिनेश आचार्यले १,११७ मत प्राप्त गर्दा पहलमान थापाले ५७० मत प्राप्त गरेका छन् ।
निर्वाचन परिणामसँगै संस्थाको नयाँ नेतृत्व चयन भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
